खुं दुःख बिउगुलिं त्वालय् साइरन
येँ (सन्ध्या टाइम्स)/खुँतय्सं तसकं दुःख बिउगुलिं कायल जूपिं थनया ग्वंगःबुँ गाविस वडा ८ स्थित टोखा रोडय् च्वंपिं स्थानीय जनतां थःथःपिं जानाः त्वालय् साइरन जडान याःगु दु। म्हिगः आइतवाःनिसें उगु साइरन प्रयोगय् वःगु खः।
त्वालय् च्वंपिं आग्रह कथं निर्मल बाटिका टोल सुधार समितिं छेँखां न्यासः तका दां कयाः स्थानीय प्रहरीया फोन नम्बर समेत दुथ्याकाः ततःजाःगु न्याखा छेँय् उगु साइरन जडान याःगु खः ।
उगु साइरन जडान यायेगु ज्याय् संलग्न कम्पनीं धाः कथं न्यादँया ग्यारेन्टी सहित ५० गः फोन क्षमताया लागिं न्यय्द्वः तका, थप छगः साइरनया २२०० तका, प्रति २० खा छेँया लागिं ताररहित प्रति साइरनया झिद्वः तकाया दरं शुल्क काःगु खः ।
