सकिमिला पुन्हि कुन्हु भक्तपुर नाइट
ख्वप (सन्ध्या टाइम्स)/नेवाः नखः सकिमिला पुन्हिया लसताय् ख्वपया लाय्कुली भक्तपुर नाइट ज्याझ्वः जुल।ज्याझ्वलय् नेवाः मौलिकतां जाःगु लाखे प्याखं, महाकाली प्याखं, कुमारी प्याखं, कवंचा प्याखं, कालभैरव प्याखं, तामाङ सेलो, मारुनी प्याखं नापं बासुरी बाजा व धिमे बाजं नं न्ह्यब्वःगु खः। ज्याझ्वः नेमकिपाया अध्यक्ष नारायणमान बिजुक्छें उलेज्या यानादीगु खः। ख्वप नपा व भक्तपुर पर्यटन विकास समितिया ग्वसालय् ज्याझ्वः जूगु खः। भक्तपुर पर्यटन विकास समितिपाखें गुदँ न्ह्यःनिसें दँय्दसं सकिमिला पुन्हिकुन्हु लाय्कुली थज्याःगु ज्याझ्वः निरन्तर याना वयाच्वंगु दु ।
