संसदया अधिवेशन सःतेत माओवादी व कांग्रेसया माग

एकीकृत नेकपा (माओवादी) व नेपाली कांग्रेसं व्यवस्थापिका संसदया अधिवेशन याकनं सःतेत माग याःगु दु ।

सभामुख सुभाषचन्द्र नेम्वाङनाप थौं माओवादी व कांग्रेसया प्रमुख सचेतकत पोष्टबहादुर बोगटी व लक्ष्मण घिमिरें नापलाना संसदया अधिवेशन तुरुन्त सःतेत माग याःगु खः । लिसःलय् सभामुख नेम्वाङं प्रधानमन्त्री लगायत थीथी नेतात नाप संसद अधिवेशन सःतेगु बारे सहलह जुयाच्वंगु धासें याकनं हे अधिवेशन आव्हान जुइगु धयादिल ।

प्रमुख सचेतकत नापया खँल्हाबंला लिपा सभामुख नेम्वाङं अध्याधेश पाखें हःगु बजेट संसदं पारित यायेमाःगु व प्रधानमन्त्री निर्वाचन नं ल्यँ दनीगु धासें याकनं हे संसदया अधिवेशन आव्हान जुइगु विश्वास प्वंकादिल ।