तुरुन्त लाडकु समायोजन यायेत माले समाजवादीया माग
नेकपा (माले) समाजवादीं माओवादी लडाकु समायोजन व पुनःस्थापना तुरुन्त यायेत सरकारनाप माग याःगु दु ।
माले समाजवादीया येँय् क्वचाःगु निक्वःगु राष्ट्रिय कार्यकर्ता भेलां शान्ति प्रक्रिया क्वचायेकेत लडाकु समायोजन यायेमाःगु धासें लडाकु समायोजन बिना शान्ति प्रक्रिया क्वमचाइगु धाःगु दु ।
निक्वःगु कार्यकर्ता भेलाया निर्णय न्यंकेत थौं येँय् याःगु पत्रकार सम्मेलनय् कामचलाउ सरकारं संसद् अधिवेशन क्वचायेकाः अध्यादेश मार्फत बजेट हयाः संसद्या उपहास याःगु धासें विरोध याःगु दु ।
भेलां शान्ति सम्झौता पालना, थप जूगु ईया दुने संविधान निर्माण, सीमा अतिक्रमण नापं बजाः भाः नियन्त्रणय् राज्यं ध्यान बीमाःगु प्रस्ताव पारित याःगु दु ।
न्य्यगू जिल्लाया प्रतिनिधि व पर्यवेक्षकतय्सं ब्वति काःगु निन्हुयंकया भेलां नायः जगतबहादुर बोगटीया राजनीतिक प्रनिवेदन व मू छ्याञ्जे विष्णुराज अर्यालया सांगठनिक प्रतिवेदन पारित याःगु दु ।
