लागू वासः सहित निम्हेसित ज्वन

देय्या थीथी थासय् लागू वासःया व्यापारा यानाच्वंपिं निम्हेसित प्रहरीं येँया चावहिली व बल्खुं ज्वंगु दु ।

झिगू लख बराबरया लागू वासः सहित प्रहरीं पर्साया वीरगञ्ज निवासी गुडु सिंह व पर्साया सुवर्णपुर निवासी ३८ दँया रामबहादुर तामाङयात ज्वंगु दु । ज्वंम्ह सिंह येँय् लगयात थीथी जिल्लाय् लागू वासःया व्यापार याइम्ह मुख्य मनू जूगु खँ प्रहरीं धाःगु दु ।

ज्वंपिं अपराधीत नापं प्रहरीं लागू वासः डाइजेपाम, हेरोइन व ना. १. ख. ९३२३ नम्बरया ट्रक नं बरामद याःगु दु ।