थनिंनिसें हप्ताय् ३८ घण्टा लोडसेडिङ

छवाः न्ह्यः जक हप्ताय् २९ घण्टा लोडसेडिङया घोषणा याःगु नेपाल विद्युत प्राधिकरणं थनिंनिसें हप्ताय् ३८ घण्टा लोडसेडिङ सुरु याःगु दु ।

मध्यमर्स्याङदी जलविद्युत परियोजना मर्मतया निंतिं पूर्ण रुपं बन्द जुइवं प्राधिकरणं थौं नं निसें लोडसेडिङया ई थप याःगु खः । ७० मेगावाट विद्युत उत्पादन क्षमता दुगु मध्यमर्स्याङदी नियमित मर्मतया निंतिं पूर्ण रुपं बन्द जुइवं लोडसेडिङ थप जूगु खँ प्राधिकरणं धाःगु दु ।

प्राधिकरणया न्हूगु लोडसेडिङ धलः कथं हप्ताय् निन्हु ६ घण्टा, निन्हु ५ घण्टा व स्वन्हु ५ घण्टाया ल्याखं लोडसेडिङ जुइ ।