व्यवस्थापिका संसदया बैठक अवरुद्ध

थौं च्वंगु व्यवस्थापिका संसदया बैठक अवरुद्ध जूगु दु । प्रमुख प्रतिपक्षी दल नेपाली कंग्रेस, तराई-लोकतान्त्रिक पार्टी व राष्ट्रिय जनशक्ति पार्टीया नेतातय्सं रोष्ट्रम घेरेयायेवं थौंया बैठक अवरुद्ध जूगु खः ।

बुधवाः संविधानसभाया बैठक लिपा च्वंगु व्यवस्थापिका संसदया बैठकय् न्ववासें कांग्रेस सचेतक सोभाकर पराजुलिं माओवादी अधिनायकवाद पाखे न्ह्यावनाच्वंगु द्वपं ब्यादीगु खः । वयेकलं प्रधानसेनापतिया कारवाही लितः मकाः तल्ले कांग्रेसं सदन अवरुद्ध यानाच्वनीगु व नापनापं सतक आन्दोलन नं न्ह्याकेगु धायेवं कांग्रेस नेतातय्सं रोष्ट्रम घेरेयाःगु खः । लिपाः तमलोपा व जनशक्ति पार्टीया नेतातय्सं नं रोष्ट्रम घेरेयाःगु खः ।

व्यवस्थापिका संसदया बैठक शुक्रवाः स्वता ईलय् तकया निंतिं स्थगित याःगु दु ।