'नेपाःया सेनात नं ब्यारेक दुने च्वनाच्वनेगु बाध्यता मदु'

पुलांम्ह प्रधानमन्त्री नापं राष्ट्रिय जनशक्ति पार्टीया नायः सूर्य बहादुर थापां शिविरय् च्वंपिं जनसेनात पिहां वयेधुंकाः नेपाःया सेना जक ब्यारेक दुने च्वना च्वनेम्वाःगु खँ धयादिल ।

पार्टी प्रशिक्षणया झ्वलय् पूर्वान्चलय् वनाच्वंम्ह नायः थापां थौं झापाया दमकय् पार्टी प्रशिक्षण ज्याझ्वलय् न्ववानादिसें उगु खँ धयादीगु खः ।

वय्कलं एकिकृत नेकपा माओवादीपाखें शान्ति प्रकृयाया छुं नं शर्त नाला मकाःगुलिं नेपाःया सेनां जक उगु शर्तत पूवंकेम्वाःगु खँ धयादिल । नायः थापां शिविरं लडाकुत पिहांवयेगु ज्यायात अनमिनं पनेमफूगु दुःखया घटना खः धयादिसें कुंखिनादिल ।