'सरकारया ज्याय् हस्तक्षेप यायेमते'
देशय् राजनीतिक गतिरोध अप्वःगुलिं नागरिक समाजया प्रतिनिधितय्सं राजनीतिक भेटवार्ता यायेगु झ्वलय् थौं एमालेया वरिष्ठ नेता माधवकुमार नेपालयात नापलानादीगु दु ।
बुधवाः नेपाल निवास कोटेश्वरय् वनाः नागरिक समाजया प्रतिनिधितय्सं सरकारया ज्याय् राजनीतिक दलतय्सं हस्तक्षेप मायायेत इनाप याःगु खः । सरकारं याःगु हरेक निर्णययात दलतय्सं विरोध यानाः सरकारयात छुं हे ज्या याये मब्यूगुलिं देशय् खनेदुगु अन्यौलयात कयाः थंज्याःगु सुझाव ब्यूगु खः ।
खँल्हाबंलाय् एमाले नेता नेपालं सहमतिया आधारय् निर्णय यायेमाःगु खँ धयादिल । वयेकलं देशय् खनेदयाच्वंगु अन्योल व प्रधानसेनापतिया कारवाही प्रकृयाया बारे नं सहमति कथं निर्णय यायेत सहलह जुयाच्वंगु धयादिल ।
डा. देवेन्द्रराज पाण्डे, कृष्ण पहाडीलयात नेतातय्सं थौ नेता नेपालयात नापलानादीगु खसाः राष्ट्रपति डा. रामवरण यादवयात सोमवाः नापलानादीगु खः ।
