राष्ट्रपति हानं भेटघाटय्
येँ (सन्ध्या टाइम्स)/राजनीतिक गतिरोध अन्त्य यायेत नापं संसदया अधिवेशन आह्वान यायेत राष्ट्रपति डा. राम वरण यादवं राजनीतिक भेटघाट हानं शुरु यानादीगु दु।
राष्ट्रपति यादवं थौं एमाले अध्यक्ष झलनाथ खनाल व कांग्रेस सभापति सुशील कोइरालायात शितल निवासय् अलग अलग नापलानाः सहलह ब्याकादीगु खः ।
वय्कलं वंगु ३ गते संसदय् जूगु घटनायात कयाः दुःख नं प्वंकादिल। राष्ट्रपति नापलाना वयेधुंकाः एमाले अध्यक्ष खनालं याकनं हे संसद अधिवेशन सःतेत थम्हं इनाप यानागु खँ संचारकर्मीतय्त कनादिल। राष्ट्रपति यादवं लिपांगु परिस्थितिइ दलतय्गु भूमिका बारे चिउताः तयादीगु खः। बजेट हये न्ह्यः प्रमुख दलतय् दथुइ जुयाच्वंगु संवाद हानं न्ह्याकेत वय्कलं एमाले व कांग्रेस नेतातलिसे सहलह ब्याकादीगु खः। दलतय् दथुया संवाद निरन्तर जुइमाः धइगु राष्ट्रपतिया आशय खः धाःगु दु ।
