आः माओवादीलिसे वार्ता: सुजाता

येँ (सन्ध्या टाइम्स)/उपप्रधानमन्त्री नापं नेपाली कांग्रेसया नेतृ सुजाता कोइरालां आः नेपाली कांग्रेसया नेतृत्वय् न्हूगु सरकार दयेकेगु नितिं एकीकृत माओवादीलिसे सहलह जुयाच्वंगु खँ कनादीगु दु। थौं प्रेस युनियन मकवानपुरया ग्वसालय् हेटौंडाय् जूगु पत्रकार भेटघाट ज्याझ्वलय् न्ववासें वय्कलं अथे धयादीगु खः। संसदया अधिवेशन अन्त्य जूसां नं प्रधानमन्त्रीया चुनावी प्रक्रिया धाःसा स्थगित जुइ मखु धकाः नं नेतृ कोइरालां धयादिल ।