नेपाली मिसा बलात्कृत

येँ (सन्ध्या टाइम्स)/भारतया लखनउलय् थः मांबौलिसे च्वनाच्वंम्ह छम्ह नेपाली मिसायात अनया आग्रा सेन्टर जेलय् ज्या याइपिं स्वम्ह कर्मचारीतय्सं बलात्कार लिपा हानं बलात्कार यानाः यातना बिउगु दु। थःत न्हापां बलात्कार याःगु विरुद्ध मिसां प्रहरीइ उजुरी यात धकाः वयात हानं अपहरण यासें बलात्कार याःगु खः। लिपांगुखुसी अचेत जुयाच्वंम्ह उम्ह मिसायात उमिसं रेलया लीकय् वांछ्वयातःगु खः। जेलया लिकसं हे बालं च्वनाच्वंम्ह उम्ह मिसा आः क्वथां पिहां वयेत हे ग्यानाच्वंगु दु ।