प्रधानन्यायाधीशया निंतिं रायमाझीया नां सिफारिस
सर्वोच्च अदालतया वरिष्ठ न्यायाधीश मीनबहादुर रायमाझीयात संवैधानिक परिषदं प्रधानन्यायधिशया निंतिं सिफारिस याःगु दु ।
बुधवाः प्रधानमन्त्री पुष्पकमल दाहाल प्रचण्डया अध्यक्षताय् बालुवाटारय् च्वंगु संवैधानिक परिषदया बैठकं रायमाझीयात वरिष्ठताया आधारय् सिफारिस याःगु खः । सर्वोच्च अदालतं खुम्ह न्यायाधीशतय् नां सिफारिस याःगुलि रायमाझी दकलय् वरिष्ठ न्यायाधीस खः ।
प्रधानन्याधीशया निंतिं सिफारिस याःगु वयेकया नां संसदीय सुनुवाई विशेष समितिं पारित यायेधुंकाः तिनि प्रधानन्यायाधीसय् नियुक्ति जुइ । माओवादीं परिवर्तनयात आत्मसाथ याइम्हेसित थ्वः पदय् हेयेमाःगु व वरिष्ठता जक आधार माने यायेमज्यूगु धया: वयाच्वंगु खसां अन्ततः थ्वहे मान्यता कथं निर्णय यायेत सहमत जूगु खः ।
प्रधानन्यायाधी केदारप्रसाद गिरीया पदावधी थ्वहे वाःलय् सिधेत्यंयु दु ।
