कोइराला व खनाल शितल निवासय्
राष्ट्रपति डा. रामवरण यादवं नेपाली कांग्रेसया सभापति सुशील कोइराला व नेकपा (एमाले)या नायः झलनाथ खनाल नाप बिस्कं बिस्कं खँल्हाबंला यानादीगु दु । राष्ट्रपति भवन शतिल निवासय् शुक्रवाः सुथय् जूगु खँल्हाबंला संसदया अधिवेशन आव्हान, प्रधानमन्त्रीया निर्वाचन, दलत दथुइया कच्वं लगायतया बारे सहलह जूगु खः ।
एमाले नायः झलनाथ खनालनाप जूगु खँल्हाबंला संसदय अधिवेशनया बारे केन्द्रीत जूगु खः । उगु इलय् नायः खनालं अविलम्ब व्यवस्थापिका संसदया मुँज्याया आव्हान यायेत राष्ट्रपति यादवयात सुझाव बियादीगु खः ।
अथेहे कांग्रेस सभापति कोइरालां मंसिर १६ गतेया दुने संसदया मुँज्या सतेत राष्ट्रपति यादवयात सल्लाह बियादीगु खः । वय्कपिं दथुइ आः न्हूगु अधिवेशनय् प्रधानमन्त्रीया याकः उम्मेदवार रामचन्द्र पौडेलया उम्मेदवारी छु जुइगु धइगु बारे नं सहलह जूगु खः ।
