संविधानसभाया बैठकं कार्यतालीका हिल

संविधानसभाया थौं च्वंगु बैठकं संविधान निर्माण कार्यतालिका हिउगु दु । संविधानसभा कार्यव्यवस्था परमार्श समितिया मंगलवाः च्वंगु बैठकं संविधानसभा कार्यतालीका हिलेत सिफारिस याःगु खः ।

थ्व परिवर्तन लिपाः आः भदौ मसान्त तक संविधानया न्हापांगु मस्यौदा तयार यानाः राजपत्रय् सार्वजनिक यायेमाःगु यात असोज मसान्त तक थ्यंकूगु दु । विषयगत समितिं संविधानया प्रारम्भिक मस्यौदा आः जेष्ठ ८ तक तयार यायेमाःगु, विषयगत समितितय्सं पेश यायेमाःगु प्रतिवेदनय् सहलह जेष्ठ ९ गते निसें असार ३१ तक जुइगु जूगु दु । अथेहे संवैधानिक समिितं तयार याःगु प्रतिवेदनय् असोज १ गते निसें २५ गते तक सहलह याइगु जूगु दु ।