'बैठकय् वंपिं जनसेनायात अवकास'
येँ (सन्ध्या टाइम्स)/संस्कृति मन्त्री डा. मिनेन्द्र रिजालं एकीकृत माओवादीया विस्तारित बैठकय् ब्वति काःपिं जनसेनायात सरकारं स्वेच्छिक अवकास बीगु जुइ धयादीगु दु ।
प्रेस युनियन बाँकेपाखें थौं नेपालगन्जय् ग्वसाः ग्वःगु पत्रकार भेटघाट ज्याझ्वलय् न्ववासें वय्कलं राज्य समितिया दुजः धकाः माओवादीया बिस्तारित बैठकय् वंपिं जनसेनाया बारे सरकारं गम्भीरतापूर्वक बिचाः याःगु दु धकाः नं धयादिल।
माओवादीं आः तक नं हतियारया दम्भ मत्वःतूगुलिं माओवादीया नेतृत्वय् सरकार स्वीकार याये फइ मखु धासें मन्त्री रिजालं शान्तिपूर्ण राजनीतिइ वयेत माओवादीयात इनाप नं यानादिल ।
