झिंखुन्हु तक लैंगिक हिंसा विरुद्ध अभियान
येँ (सन्ध्या टाइम्स)/लैंगिक हिंसाबिरुद्ध थनिंनिसें १६ न्हुया अभियानया झ्वलय् थीथी जन चेतनामुलक ज्याझ्वः याइगु जूगु दु। दँय्दसं नोभेम्बर २५ निसें विश्व मानव अधिकार दिवस (डिसेम्बर १०) तक मिसा हिंसा बिरुद्ध अभियान न्ह्याका वयाच्वंगु खः। राष्ट्रिय महिला आयोगं अभियानया झ्वलय् थीथी चेतनामुलक ज्याझ्वः, हिंसापाखें प्रभावितयात ग्वाहालि, राज्यं अनुमोदन याःगु अन्तर्राष्ट्रिय सन्धी, सम्झौता कार्यान्वयनया निंतिं बः बीगु कथं अभियान न्ह्याकीगु जूगु दु ।
