वामदेव च्वना वःगु गाडी दुर्घटनाय्
यल (सन्ध्या टाइम्स)/एमालेया उपाध्यक्ष वामदेव गौतमया गाडी म्हिगः नख्खु दुवातय् छगू दुर्घटनाय् लात। उकी लानाः वय्कः च्वना वःगु बा. १ झ ८२५६ नम्बरया गाडी क्षतिग्रस्त जूसां भाजु गौतमयात धाःसा छुं मजूगु खँ सीदुगु दु ।
भैंसेपाटीं जावलाख्यःपाखे वयाच्वंगु वय्कःया गाडीयात एकान्तकुनां बल्खुपाखे वनाच्वंगु ना. ३ ख ६४१३ नम्बरया ट्रकं ठक्कर नकूगु खः। प्रहरीं गाडी चले याना वःम्ह २६ दँ दुम्ह दुर्गासिंह लामायात ज्वनाः कुनातःगु दु। वयात आः महानगरीय प्रहरी पसिर यलय् तयातःगु दु ।
