'सेना समायोजन प्रक्रिया क्वचाल'

रक्षामन्त्री विद्यादेवी भण्डारीं माओवादी लडाकुयात नेपाली सेनाय् समायोजन यायेगु प्रक्रिया क्वचाःगु खँ धयादीगु दु ।

महिला हिंसा विरुद्ध जिफन्ट मिसा विभागं थौं येँय् याःगु घरेलु श्रम व मिसानाप सम्बन्धीत ऐन विषयस अन्तक्रिया ज्याझ्वः लिपा साचारकर्मीत नाप खँल्हाबंला यानादिसें मन्त्री भण्डारीं माओवादी लडाकुतय्सं पार्टीया राजनीतिक मुँज्याय् ब्वति काःगुलिं समायोजन प्रक्रिया
क्वचाःगु धयादिल । वय्कलं आः लडाकुतय्त समायोजन मखसें व्यवस्थापन जक यायेगु धयादिल ।

मन्त्री भण्डारीं माओवादीया बिस्तारीत मुँज्याय् तःधंगु ल्याखय् लडाकुतय् ब्वति दुगु धासें शिविरय् दुपिं मेपिं लडाकुत तकं पार्टीया राजनीतिक संगठनय् सक्रिय रुपं अझ लगे जुयाच्वंगु द्वपं बियादिल ।