मेगू अधिवेशन याकनं आव्हान यायेत न्हय्गू दलया माग

संविधानसभाय् दुथ्याःगु न्हय्गु दलं व्यवस्थापिका संसदया मेगू अधिवेशन याकनं आव्हान यायेत माग याःगु दु । न्हय्गु दलं प्रधानमन्त्रीया निर्वाचन प्रक्रिया संसदय् हे ल्यंदनीगुलिं याकनं संसदया आव्हान यायेत माग याःगु खः ।

थौं च्वंगु चिधंगु न्हय्गु दलया मुँजयां व्यवस्थापिका संसदया अधिवेशन याकनं आव्हान यायेत माग यासें संविधान निर्माण व शान्ति प्रक्रिया न्ह्याकेत तःधंगु दलतय्त दबाव बीगु कथं न्हय्गू दल दुथ्याःगु प्रगतिशील लोकतान्त्रिक गठबन्धन नं दयेकूगु दु ।

गठनबन्धन दयेकूगु बारे जूगु सहमितलय् नेपाल सद्भावना (सरिता गिरी), नेकपा एकीकृत, नेकपा माले समाजवादी, राष्ट्रिय जनमुक्ति पार्टी। नेपाः राष्ट्रिय पार्टी, संघीय लोकतान्त्रिक राष्ट्रिय मञ्च व नेपाली जनता दलया शीर्ष नेतातय्सं ल्हाःचिं तःगु दु ।