उपसभापति जुइगु खँय् सुजाता धुक्क
येँ (सन्ध्या टाइम्स)/परराष्ट्रमन्त्री नापं नेपाली कांग्रेसया केन्द्रीय दुजः सुजाता कोइरालां थः पार्टीया उपसभापति पदय् मनोनित जुइगु दावी यानादीगु दु ।
सभापति सुशील कोइरालां थःत उपसभापति दयेकेगु बचं बिउगुलिं वय्कलं उगु बचं पूवंकी धकाः थः आशावादी जुयाच्वनागु खँ नं मय्जु सुजातां धयादिल। येँय् थौं याःगु छगू ज्याझ्वलय् न्ववासें वय्कलं अथे धयादीगु खः ।
कांग्रेस दुने खाली जुयाच्वंगु पदय् याकनं हे पदपूर्ति यायेमाः धकाः बः बियादिसें वय्कलं शान्ति प्रक्रियायात निष्कर्षय् थ्यंकेगु नितिं संविधानसभाय् दुथ्याःगु फुक्क हे दलत छप्पँ जुइमाः धकाः नं धयादिल ।
