थौं नं पूर्व बन्द
येँ (सन्ध्या टाइम्स)/थःपिनि कार्यकर्ता त्वःतेमाःगु माग यासें संघीय लिम्बुवान लोकतान्त्रिक राष्ट्रिय पार्टीं बन्द आह्वान याःगु थौं निन्हुया दिनय् नं पूर्वी नेपाःया जनजीवन प्रभावित जूगु दु। पूर्वया ९ जिल्लाया यातायात ठप्प हे जूगु दु। थौं नं पाँचथर, इलाम, ताप्लेजुङ, झापा, मोरङ, सुनसरी, तेह्रथुम, धनकुटा व संखुवासभाया यातायात ठप्प जूगु दु। वंगु कार्तिक १२ गते ज्वंपिं संघीय भोलेन्टिर्स फोर्स लिम्बुवानया उप कमाण्डर शेरबहादुर लिम्बू व केन्द्रीय दुजः तान्डु राइयात त्वःतेमाःगु माग यासें अथे बन्द आह्वान याःगु खः ।
