एकताबद्ध जुयाः न्ह्याः वनेत कार्यकर्तातय् सुझाव

गोरखाया पालुङटारय् न्ह्यानाच्वंगु एकीकृत नेकपा (माओवादी)या खुक्वःगु विस्तारित मुंज्याय् नेता व कार्यकर्तातय्सं पार्टीया शीर्ष नेतातय्त मिलेजु एकताबद्ध जुयाः न्ह्याः वनेत सुझाव ब्यूगु दु ।

माओवादी नायः पुष्पकमल दाहाल 'प्रचण्ड', न्वकूत मोहन वैद्य 'किरण' व डा. बाबुराम भट्टराईं थःथःगु प्रतिवेदन न्ह्यब्वये सिधेवं थंनिनिसें राज्य समितिया नेता व कार्यकर्तातय्सं थःथःगु बिचाः प्वंकेगु झ्वः न्ह्याःगु खः ।

थौंया बन्द सत्रय् सेती-महाकाली, भेरी-कर्णाली, थरुहट, मगरात, तम्बुवान, नेवाः लगायत झिगू राज्य समितिया ३४म्हेसिनं स्वंगू प्रतिवेदनय् थःथःथु बिचाः प्वंकूथु खः । उगु इलय् इमिसं आःया मू आवश्यकता धइगु पार्टी एकताबद्ध रुपं न्ह्याः वनाः प्रतिगामी शक्तितय्त परास्त यायेगु जूगु धाःगु खः ।