ठमेलय् मि नयाः ७ लखया क्षति

ठमेलया छखाः छेँय् मि नयाः ७ लख बराबरया क्षति जूगु दु । देव महर्जनया छेँय् बालं च्वनाच्वंम्ह छम्ह होटल व्यवसायीया कोठाय् थौं सुथय् ६:३० बजे ग्याँस लिक जुयाः मिं नःगु खः । मिं नयेवं जुद्धवारुण यन्त्रया निगः दमकल, प्रहरी व स्थानीयवासीतय्सं मि नियन्त्रणय् काःगु खः । मिं नयाः छेँ दुनेया फुक्कं सामन च्यानाः नष्ट जूसां छुं नं कथंया मानवीय क्षति मजूगु खँ धाःगु दु ।