कलाकार गोपाल भुटानी मन्त

नांजाम्ह कलाकार गोपल भुटानी मंगलवा सुथय् मन्त । ताः ई निसें आन्द्राया क्यान्सर ल्वचं पीडित भुटानी ७८दँया वैंशय् मदुगु खः । वय्कया येँया जनमैत्री अस्पतालय् वासः जुयाच्वंगु इलय् मदुगु खः ।

भारतया मुम्बई नं नेपाःया संकिपा क्षेत्रय् दुहांवःम्ह भुटानीं आपालं नेपाली संकिपाय् म्हितादीधुंकूगु दुसाः विशेष यानाः द्वन्द्व निर्देशकया कथं नांजाम्ह खः ।

भुटनी थःगु जीवनया लिप्पांगु इलय् नेपाःया नागरीकता कायेत संघर्ष यानाच्वनादीगु खः । वय्क नेपाःया इलामय् तामाङ समुदायलय् जन्म जूगु खःसां वय्कयात नेपाः सरकारं भुटानया नागरिक जूगु धासें नेपाःया नागरिकता बीत आलटाल यानाच्वंगु खः ।