लडाकुतय्त कारवाही यायेमज्यू : कोइराला

नेपाली कांग्रेसया केन्द्रीय नेता शेखर कोइरालां माओवादी विस्तारित मुँज्याय् ब्वति काःपिं लडाकुतय्त कारवाही यायेमज्यूगु खँ धयादीगु दु ।

प्रेस युनियन मोरङं थौं याःगु पत्रकार सम्मेलनय् नेता कोइरालां विस्तारित मुँज्याय् ब्वति काःपिं लडाकुतय्त सेना समायोजन प्रक्रियाय् ब्वति याकेमज्यू धकाः थःगु हे पार्टीया वरिष्ठ नेतातय्सं गैर जिम्मेवारीपूर्ण अभिव्यक्ति ब्यूगु धयादिल ।

शान्ति सम्झौता लगायत थीथी सम्झौताय् माओवादी लडाकुयात सुरक्षा अगंय् समायोजन यायेगु खँ न्ह्यथनातःगु धासें नेता कोइरालां समायोजन मजुइगु अभिव्यक्तिं शान्ति प्रकृयालय् हे नकारात्मक लिच्वः लाइगु धयादिल ।