नेपाल बैंक कर्मचारी संघय् न्हूगु नेतृत्व
नेपाल बैंक कर्मचारी संघया च्याक्वःगु महाधिवेशनं संघया न्हूगु नेतृत्व ल्यःगु दु । विश्वम्भरराज अधिकारी अध्यक्ष जुयादीगु न्हूगु ज्यासना पुचःया स्वम्ह उपाध्यक्षय् नवराज रिमाल राजकुमार यादव व स्वयम्भूराज शाक्य च्वनादीगु दु । अथे हे विनोद श्रेष्ठ महासचिव जुयादीगु दु । स्वम्ह सचिव पदय्राजुराम मुनंकर्मि रामजी कार्की व पुरुषोत्तम कार्की च्वनादीगु दु । अथे हे कोषाध्यक्ष व सहकोषाध्यक्ष पदय् छसिकथं किशोर नेपाली व भुषण शाक्य च्वनादीगु दु ।
खुल्ला प्रतिस्पर्धापाखें झिंप्यम्ह दुजः व प्यम्ह दुजः आरक्षित कथं ल्यःगु दु । खुल्ला प्रतिस्पर्धां विनोद कुमार पुडासैनी, कृष्णबहादुर अधिकारी, लक्ष्मी सुवेदी, बसन्तलाल श्रेष्ठ, केशव सुवेदी, महेशकुमार खड्का, प्रेमप्रसाद दंगाल, चन्द्रकान्त पाण्डे, विजयकुमार केसी, शान्तिराज रेग्मी, कूलबहादुर थापा, प्रकाशलाल जोशी, जमुना शाह व माधव कार्की निर्वाचित जूगु दु । अथे हे आरक्षित दुजलय् रामलखन यादव, तारादेवी राई, दिलकुमारी पोडे व सुमित्रा उदासिपं ल्यःगु दु ।
न्हूगु ज्यासना पुचः ल्यये धुंकाः नीनिक्वःगु केन्द्रीय सभा नं च्वन । मुक्कं ५६ म्ह दुजः दुगु सभा स्वदँ तकया लागिं थातं च्वनीगु खँ नवनिर्वाचित संघया सचिव राजुराम मुनंकर्मिं कनादिल ।
