क्वथुपुईंया आचाःगु क्वचाल

वंगु मातातीर्थ चःह्रे कुन्हु क्वथुपुईं लागाय् लाःगु ओमबहाः, इकुबहाः, लगंबहाः, मिखाबहाः, मुसुंबहाः, मणिसिंह मुसुंबहाः, मणिसंघ नापं खुगू विहारया आचाःगु इकुबहालय् क्वचाल । क्वथुपुईंया मूल चक्रेश्वर ओमबहाःया कर्णहर्ष वज्राचार्यया प्रमुख आतिथ्यताय् उगु ज्याझ्वः जूगु खः । क्वथुपुई आचागुया चिनियाँमान वज्राचार्यया संयोजकत्वय् जूगु उगु ज्याझ्वः आकिवं मणिसंघ महाविहारयात गुथि न्यायेकेगु निंतिं उगु विहारया प्रतिनिधि भगवान चुडामणि वज्राचार्ययात पाःब्व लःल्हाःगु दु ।