संसदय् जूगु घटनाय् निगूलिं पक्ष दोषी : फोरम
मधेशी जनधिकार फोरम नेपालं वंगु शुक्रवाः बहनी व्यवस्थापिका संसदय् जूगु घटनाय् सरकार व प्रमुख प्रतिपक्ष एनेकपा (माओवादी) निगूलिं पक्ष दोषी जूगु खँ धाःगु दु ।
फोरम नेपालया संसदीय ज्याकू सिंहदरवारय् सोमवाः याःगु पत्रकार सम्मेलनय् फोरम नायः उपेन्द्र यादवं सरकारं संसदया अधिवेशन क्वचायेकाः अध्यादेश पाखें बजेट हःगु व माओवादी सभासद्तय्सं अर्थमन्त्रीयात याःगु आक्रमण निगूलिं लोकतान्त्रिक मान्यता अःख जूगु धयादिल ।
न्हापा एमालेया सांसदतय्सं नं संसदय् थंज्याःगु हे आक्रमण याःगु धासें यादवं माओवादीं मन्त्रीतय्त आक्रमण यायेगु ज्या एमाले पाखें स्यानाकाःगु धयादिल । तर वय्कलं माओवादीया उगु आक्रमण संसदीय ज्या खँ कथं पाय्छि मजूगु धयादिल ।
वय्कलं प्रधानमन्त्रीया निर्वाचन जुयाच्वंगु इलय् संसदया अधिवेशन क्वचायेकूगु प्रति तीव्र असन्तुष्टि प्वंकुसें तत्काल संसदया मुँज्या आव्हान यानाः प्रधानमन्त्री ल्ययेत माग नं यानादिल ।
