माओवादी लडाकु आः पार्टी कार्यकर्ता : गच्छदार

उपप्रधानमन्त्री विजयकुमार गच्छदारं सेना समायोजनया निंतिं थीथी शिविरय् च्वनाच्वंपिं लडाकुतय्सं एनेकपा (माओवादी)या विस्तारित मुँज्याय् ब्वति काःगुलिं आः इपिं पार्टीया कार्यकर्ता जूगु टिप्पणी यानादीगु दु ।

राष्ट्रिय विपत्तिया निंतिं एसिया क्षेत्रीय सम्मेलनया थौं येँय् उल्लेज्या यानादिसें उपप्रधानमन्त्री गच्छदारं माओवादीं लडाकुयात मुँज्याय् ब्वति कायेका बृहत शान्ति सम्झौताया घोर उल्लंघन याःगु धयादिल । वय्कलं मुँज्याय् ब्वति काःपिं लडाकुत आः सेना समायोजनया निंतिं अयोग्य जूगु नं धयादिल ।

अथेहे वय्कलं संसदय् माओवादीं मन्त्रीयात याःगु अक्रमणया घटनां माओवादीं लोकतन्त्रिक पद्धतियात स्वीकार मयाःगु पुष्टि जूगु धयादिल । संसदय् जूगु घटनाया दोषीयात सभामुखं छु नं हालतय् उन्मुक्ति बिइ मज्यूगु नं वय्कलं धयादिल ।