बंगलादेशी प्रतिनिधिमण्डल नापलाय् ज्याय् व्यस्त

नेपाः भ्रमणय् दुगु बंगलादेशया उच्चस्तरीय प्रतिनिधिमण्डल राजनीतिक नापलाय् ज्या व्यस्त जूगु दु । उच्चस्तरीय प्रतिनिधिमण्डलं थौं उपप्रधान नापं पराष्ट्रमन्त्री सुजाता कोइराला व उर्जा मन्त्री डा. प्रकाशशरण महतयात नापलना खँल्हाबंला याःगु दु ।

निम्ह मन्त्रीत नाप बंगलादेशया प्रधानमन्त्री शेख हसिना वाजिदया आर्थिक सल्लाहाकार डा. महिसुर रहमानया पुचलं नापलानाः निगू पक्षिय हितया बिषयसं सहलह याःगु खः ।

नेपाः व बंगलादेशया स्वापू विस्तार, व्यापार, विद्युत आदानप्रदान, जलस्रोत व उर्जा क्षेत्रय् लगानी नापया बिषयसं सहलह याःगु खः । उच्चस्तरी पुचलं जलवायु परिवर्तन, खुसीबा नियन्त्रणया बिषयसं न सहलह याःगु खः ।