संविधान च्वयेगु कार्यतालिका हिल
संविधान च्वयेगु निंतिं इलय् ज्या मजुइवं संविधान च्वयेगु कार्यतालिका हिलेगु निंतिं थौं प्रस्ताव पेश यायेत्यंगु दु ।
संविधानसभाया सभासद्तय्सं थीथी थासय् मुंका हःगु सुझाव कन्हय् तकया दुने संवैधानिक समितियात लःल्हायेमाःगु खःसां देशय् ब्वलंगु राजनीतिक घटनाक्रमं यानाः सुझाव हे तयार मजूगुलिं कार्यतालिका हिलेमाःगु खँ संवैधानिक सचिवालयं धाःगु दु ।
कार्यतालिका हीकेगु निंतिं थौं च्वनीगु कार्यव्यवस्था समितिया बैठकय् थ्व प्रस्ताव न्ह्यब्वइगु खँ धाःगु दु । कार्यव्यवस्था समितिं उकियात अनुमोदन यात धाःसा कार्यतालिका परिवर्तन यायेगु ज्या न्ह्याइ । तर थुकिं इलय् संविधान दयेकेगु ज्याय् धाःसा लिच्वः मलाइगु दावी नं संवैधानिक सचिवालयं याःगु दु ।
