नेपाःया अनुराधा कोइराला 'सीएनएन हिरो २०१०'
माइती नेपालया नकिं नापं चेलीबेटी बेचविखनविरुद्धया अभियानया अगुवा अनुराधा कोइराला 'सीएनएन हिरो २०१०' घोषित जुयादीगु दु ।
सीएनएनं अनलाइन भोटया आधारय् याःगु धेंधेंबल्लाय् कोइरालां झिम्ह प्रतिस्पर्धीयात ल्यूने लाकाः सीएनएन हिरो घोषित जुयादीगु खः । च्यवाः तक जूगु अनलाइन भोटिङय् दकलय् अप्वः मत हयाः कोइराला झिम्ह मध्ये न्हाप लानादीगु खः ।
शनिवाः बहनी अमेरिकाया लस एञ्जलसय् जूगु छगू ज्याझ्वःया दथुइ झिंनिद्वः मिसा व मस्तय्त यौन दासता पाखें उद्धार याःम्ह कोइरालायात सीएनएन हिरो घोषणा याःगु खः । घोषणा लिपा द्वलंद्वः मनूत उपस्थित दुगु समारोहयात सम्बोधन यासें कोइरालां थःगु ज्याय् जिम्मेवारी थप जूगु धयादिल । तसंक भावुक सःलय् वय्कलं धयादिल, 'थंज्याःगु जघन्य अपराधयात क्वचायेत फुक्कं छप्पँ जुया लगे जुइनु' ।
कोइराला वंगु २० दँ न्ह्यः निसें मानव बेचबिखन बिरुद्धया ज्याय् लगे जुया च्वनादीगु दु ।
