माओवादी झन याकःचा जू वन: कोइराला
येँ (सन्ध्या टाइम्स)/ नेकां सभापति सुशिल कोइरालां सर्वसत्तावादी सोच व क्रियाकलापं याना माओवादी राष्ट्रिय व अन्तर्राष्ट्रिय ख्वलय् याकःचा जूगु दावी यानादीगु दु। प्रेस युनियन रुपन्देहीपाखें थौं सुथय् भैरहवाय् याःगु पत्रकार भेटघाट ज्याझ्वलय् न्ववासें वय्कलं शान्ति प्रक्रिया शुरु जूगु प्यदँ दयेधुंकलं नं माओवादी आः तकं ल्वाभःया दम्भं मुक्त मजूनि धयादिल ।
वंगु शुक्रवाः सदनय् बजेट पेश यायेत वनाच्वंम्ह अर्थमन्त्री सुरेन्द्र पाण्डेयात माओवादी सभासद्तय्सं लछारपछार यानाः शुटकेश नापं तछ्याना बिउगु घटनायात कयाः प्रतिक्रिया बिसें वय्कलं थ्व खँ धयादीगु खः ।
