मदन स्मारक माविया वार्षिक उत्सव
यल(सन्ध्या टाइम्स)/मदन स्मारक उच्चमाविया ५६ क्वःगु वार्षिक उत्सव नकतिनि क्वचाल। विद्यालय व्यवस्थापन समितिया अध्यक्ष नापं सभासद राजकाजी महर्जनया सभापतित्वय् न्ह्याःगु उगु ज्याझ्वलय् मूपाहां कथं पुलांम्ह मन्त्री नापं सभासद पम्फा भुसाल झाःगु खःसा विशेष पाहांकथं यल जिल्लाया प्रजिअ रत्नराज पाण्डे, प्रधानाध्यापक मोहनलक्ष्मी शाक्य, विद्यालय व्यवस्थापन समितिया पदाधिकारीतय् उपस्थिति दुगु खः।
ज्याझ्वलय् मूपाहां व मेपिं पाहांपिंपाखें विद्यार्थी नापं थीथी व्यक्तित्वयात हनापौ लःल्हायेगु ज्या नं जूगु खः।
एसएलसी परीक्षाय् विशिष्ट श्रेणीइ उत्तीर्ण जूपिं विद्यार्थीतय्त सम्मान यायेगु ज्या नं ज्याझ्वलय् जूगु खः। पाहांपिं सकसिनं ज्याझ्वलय् नुगःखँ प्वंकेगु ज्या नं जूगु खः ।
