आक्रमण याःपिं सभासद्तय्त कारवाही यायेत एमालेया माग

नेकपा (एमालें) व्यवस्थापिका संसदय् अर्थमन्त्रीयात आक्रमण याःपिं माओवादी सभासद्तय्त कारवाही यायेत माग याःगु दु ।

एमालें आइतवाः छगू विज्ञप्तिइ पिथना माओवादीं घटना प्रति सार्वजनिक रुपं क्षमायाचना यायेत व सभामुखयात दोषीयात कारवाही यायेत माग याःगु दु । माओवादीं छापामार शैलीइ याःगु आक्रमण लोकतान्त्रिक मूल्य मान्यताय् अधिनायकवादी आक्रमण जूगु ठहर याःगु दु ।

राष्ट्रिय सहमतिया माध्यमं समस्या समाधान मालेमाःगु इलय् माओवादीं नियोजित रुपं संसदय् आक्रमण याःगु नं एमालेया द्वपं दु । एमालें माओवादी सहितया लिखित सहमतिलय् हे सरकारं बजेट न्ह्यब्वःगु दाबी नं याःगु दु ।