'जेनेरेटर फेल जुयाः विमान दुर्घटना'

मकवानपुरया शिखरपुरय् वंगु भदौ ८ गते जूगु अग्नि एयरया विमान दुर्घटनाया छानबिन यायेत निस्वंगू छानबिन आयोगं विमानया निगलं जेनेरेटरं ज्या मयाःगुलिं दुर्घटना जूगु निष्कर्ष पिकाःगु दु ।

दुघर्टनाया छानविन यायेत कुमारप्रसाद उपाध्यायया संयोजकत्वय् निस्वंगु आयोगं थौं पर्यटन तथा नागरिक उड्डयनमन्त्री शरदसिहं भण्डारीयात लःल्हाःगु प्रतिवेदनय् निगलं जेनेरेटरं ज्या मयाःगु खँ न्ह्यथंनातःगु दु । अथेहे चालक दलं ल्यान्ड गियर ई स्वयां न्ह्यः हे छ्यःगुलिं ब्याट्री सिधःगु व विमानया गति नियन्त्रण यायेमफुगुलिं दुघर्टना जूगु न्ह्यथनातःगु दु ।

आयोगं अग्नि एयरयात विमान चालक प्रशिक्षण नीतिलय् हेरफेर यायेत व नागरिक उड्डयन प्राधिकरणयात सुरक्षा सम्बन्धी ज्या थप चुस्त व प्रभावकारी दयेकेत सुझाव नं ब्यूगु दु ।