'माओवादी ल्वाभःया दम्भपाखें अझ नं मुक्त मजुनी'

नेपाली कांग्रेसया सभापति सुशील कोइरालां एनेकपा (माओवादी) ल्वाभःया दम्भ पाखें अझ नं मुक्त मजूनी खँ धयादीगु दु ।

प्रेस युनियन रुपन्देहीं आइतवाः भैरहवाय् याःगु पत्रकार नापलाय्गु ज्याझ्वलय् वय्कलं माओवादीया सैन्य व ल्वाभः दम्भया कारणं हे संसदय् अर्थ मन्त्रीयात दुर्व्यवहार याःगु धयादिल । वय्कलं माओवादीया व्यवहार लोकतान्त्रिक पद्धतिया उपहास जूगु व लोकतन्त्रय् इमान्दार मजू धकाः क्यंगु धयादिल ।

अथेहे वय्कलं थनिंनिसें सुरु जुइत्यंगु माओवादीया खुक्वःगु विस्तारित मुँज्याय् लाडकुतय्त ब्वति कायेमज्यूगु खँय् नं बः बियादिल ।