राजदूततय्सं देउवा नापलात

देशय् ब्वलनाच्वंगु प्रधानसेनापति विवादयात कयाः थौं नेपाःया निंतिं थीथी देय्या राजदूततय्सं पुलांम्ह प्रधानमन्त्री व नेपाली कांग्रेसया वरिष्ठ नेता शेरबहादुर देउवायात नापलानाः खँल्हाबल्हा यात । भुइजःसिया देउवा निवासय् उगु खँल्हाबल्हाय् अमेरिका, भारत, जर्मनी लगायत च्यागू देय्या राजदूत दुथ्याःगु खँ धाःगु दु ।

राजदूततय्सं नेपाःया वर्तमान स्थिति बारे चिउताः तयाः थ्व वार्ता याःगु खः । थ्वयां न्ह्यः राजदूततय्सं प्रधानमन्त्री पुष्पकमल दाहाल 'प्रचण्ड'यात नापलानाः प्रधानसेनापति प्रकरण बारे चिउताः प्वंकूगु खः ।