'भारतया द्वपं पुष्टि जुइगु आधार मदु'
येँ (सन्ध्या टाइम्स)/भारतीय माओवादीयात नेपाःया माओवादीतय्सं तालिम बिल धकाः भारतं बियाच्वंगु द्वपं पुष्टि याइगु प्रमाण मदुगु खँ प्रधानमन्त्री माधव नेपालं धयादीगु दु ।
व्यवस्थापिका संसदया राज्य व्यवस्था समितिं थौं वय्कःयात सःताः थुकिया बारे स्पष्टीकरण काःगु इलय् प्रधानमन्त्री नेपालं थ्व खँ धयादीगु खः। नापं समितिं उगु विषयय् तत्काल हे छानविन यानाः यथार्थ विवरण पित बीत नं सरकारयात निर्देशन बिउगु दु ।
प्रम नेपालं थम्हं राष्ट्रपतियात अधिकार लःल्हायेगु धाल धकाः वःगु खँ फय्गं जक खः धकाः नं धयादिल। वय्कलं यदि माओवादीया विस्तारित बैठकय् उमिगु जनसेना नं वन धाःसा उकिं माओवादीयात हे क्षति जुइ नं धयादिल ।
