दुर्व्यवहार विरुद्ध र्याली
येँ (सन्ध्या टाइम्स)/मस्तय्त जुइगु यौन दुर्व्यवहार विरुद्धया दिवस थौं नेपालय् नं हनाच्वंगु दु। थ्व झ्वलय् मचा अधिकार सम्बन्धी थीथी गैससत मुनाः थौं सुथय् येँय् छगू र्याली पिकात। व लसताय् थौं कन्सर्न नेपालपाखें निर्देशक विजय सैंजुं छगू वक्तव्य पिकासें मस्तय्त यौन दुर्व्यवहार याइपिं मनूतय्त कडा कारवाही यायेमाःगु माग याःगु दु। कन्सर्नं नेपालय् जुइगु थज्याःगु दुर्व्यवहार बारे सकस्यां ध्यान वनेमाःगु खँय् नं सः तःगु दु ।
