'भारतीय माओवादीयात प्रशिक्षण ब्यूगु बारे गम्भीर अध्ययन'

प्रधानमन्त्री माधवकुमार नेपालं नेपाःया माओवादीं भारतीय लडाकूतय्त प्रशिक्षण ब्यूगु बुखँया बारे सरकारं गम्भीर अध्ययन यानाच्वंगु धयादीगु दु ।

व्यवस्थापिका संसदया राज्य व्यवस्था समितिया मुँज्याय् शुक्रवाः प्रधानमन्त्री नेपालं आः तक सरकारं याःगु अध्ययनय् नेपाःया माओवादीं प्रशिक्षण ब्यूगु छुं नं प्रमाण मलूगु धासें थुकीया बारे थप गम्भीर अध्ययन जुयाच्वंगु धयादिल ।

अथेहे मुँज्याय् वय्कलं माओवादीया खुक्वःगु विस्तारित मुँज्याय् लडाकुतय्त ब्वति याकीगु बारे नं च्यूताः प्वंकादीगु खः । वय्कलं लडाकूतय्सं ब्वति काःसा शान्ति सम्झौता विपरित जुइगु धासें अथे मयायेत माओवादीयात इनाप यानादीगु खः ।