एशियाड खेलकुद धेंधेंबल्लाः न्हय्न्हु एसियाडय् तेक्वान्दोया स्वम्ह कासामि बुत

ग्वान्झाउ चीन (झीगु स्वनिगः)

चीनया ग्वान्झाउलय् न्ह्यानाच्वंगु १६ औं एशियाली धेंधेंबल्लाः कासाय् पदकया सम्भावना क्वबियाः च्वंगु नेपाःया स्वम्ह कासामि विहीबाः बूगु दु । तेक्वान्दोया आयशा शाक्य सविना महर्जन व यादवबहादुर पौडेल थःथःगु कासाय् बूगु खः । पदकया आशा यानातःम्ह आयशा लेबनानया बारबासा कोसेभलिसे १२ - ८ ल्याखं बूगु खः । अथेहे यानाः सविना महर्जन युएईया इशा बासमा अहमदलिसे ५ - ४ अङ्कं बूगु दु । तेक्वान्दोपाखे म्हिगः जूगु धेंधेंबल्लाः कासाया लिपांगु कासाय् यादव अफगानी कासामिलिसे बूगु खः । म्हीग यानकुमारी चौलागाई व दानबहादुर ऐरी बूगु खःसा थौं तेक्वान्दो पाखे थप प्यम्ह कासामििपं दथुइ धेंधेंबल्लाः कासा म्हितीगु जूगु दु । थुकथं हे ब्याडमिन्टनया मिक्स डबल्स्य् रत्नजित तामाङ व सुजना श्रेष्ठया जोडी कोरियाली जोडीलिसे २१ - ६ व २१ - ५ अंक बूगु खः ।

More Stories Like this