मुँज्याय् माओवादी लडाकुतय्सं ब्वति कायेमजिउगु : उप-प्रधानमन्त्री कोइराला

उप-प्रधान नापं परराष्ट्रमन्त्री सुजाता कोइरालां एकिकृत नेकपा माओवादीया विस्तारित मुँज्याय् माओवादीया लडाकुतय्सं ब्वति कायेमजिउगु खँ धयादीगु दु ।

येँय् थौं संचारकःमितलिसे खँल्हानादिसें उप-प्रधानमन्त्री कोइरालां क्यान्टोनमेन्टय् तयातःपिं लडाकुतय्त मुँज्याय् ब्वति कायेकूसा शान्ति प्रकृया क्वमचाइगु खँ धयादिल । भारतया माओवादी लडाकुतय्त शिविरय् हयाः तालिम बिउगु धइगु विषयस छानबिन जुइमाःगु धयादिसें मन्त्री कोइरालां शान्ति प्रकृया पूवंकेगु जिम्मा आः एकिकृत नेकपा माओवादीया ल्हाती दुगु नं धयादिल ।