बजेटय् मन्त्री व सांसदतय् आपत्ति
येँ (सन्ध्या टाइम्स)/सरकारं कन्हय् पेश यायेत्यंगु बजेटयात कयाः स्वयम् एमालेया हे गुलिखे मन्त्री व सभासद्तय्सं विरोध याःगु दु। थौं सुथय् सिंहदरवाय् च्वंगु एमाले संसदीय दलया बैठकय् एमाले सभासदतय्सं बजेट दयेकेत थःपिंके छुं हे सल्लाह मयाः धासें अथे आपत्ति प्वंकूगु खः। अर्थमन्त्री सुरेन्द्र पाण्डें कन्हय् हइगु बजेट बारे सहलह ब्याकेत उगु बैठक सःतूगु खः ।
म्हिगः बजेटया बारे प्रम निवासय् च्वंगु सर्वदलीय बैठकय् नं मेमेगु पार्टीया मन्त्रीतय्सं थःपिनि जिल्लाय् बांलाक बजेट मछ्वः धासें प्रमयात गुनासो न्यंकूगु खः ।
