कांग्रेसया बन्दं बर्दिया प्रभावित
येँ (सन्ध्या टाइम्स)/नेपाली कांग्रेसं थौं बर्दिया जिल्ला अनिश्चितकालीन बन्द आह्वान याःगुलिं अनया जनजीवन प्रभावित जूगु दु। कांग्रेस बर्दिया क्षेत्र नं. ३ या कोषाध्यक्ष दलबहादुर गुरुङयात स्याःपिं हत्यारायात ज्वनाः कारवाही यायेमाःगु, मदुम्ह गुरुङयात सहिद घोषणा यायेमाःगु, सुरक्षाया प्रत्याभूतिनापं मेमेगु माग यासें थनिनिसें जिल्ला बन्द याःगु खः। कांग्रेसं बन्द आह्वान यानातःगुलिं बजाः, यातायात, शिक्षण संस्था, कलकारखाना पूर्ण रुपं ठप्प जूगु दु। वंगु सोमवाः सानोश्री धइगु थासय् कांग्रेसया स्थानीय नेता गुरुङयात खुकुरीं पालाः स्याना बिउगु खः। उगु घटनाय् स्वापू दुगु आशंकाय् प्रहरीं प्यम्हेसित ज्वनातःगु दु ।
