कांग्रेसं देशव्यापि आन्दोलन याइगु
प्रमुख प्रतिपक्षी दल नेपाली कांग्रेसं माओवादी ज्यायजदी विरुद्ध देशव्यापि आन्दोलन याइगु जूगु दु ।
नेपाली कांग्रेसया केन्द्रीय कमिटीया थौं च्वंगु बैठकं माओवादी नेतृत्वया सरकारं दक्व ख्यलय् हस्तक्षेप याःगु धासें आन्दोलनया घोषणा याःगु खः । न्यायपालिका, नेपाली सेना लगायत देय्या दक्वः ख्यलय् हस्तक्षेप यानाः माओवादीं सत्ता कब्जा यायेत स्वगू द्वपं कांग्रेसं ब्यूगु दु । प्रधानसेनापतियात काःगु स्पष्टिकरण नं सेनाया मनोबल क्वकायेगु ताः तया फ्वंगु निष्कर्ष कांग्रेसं पिका:गु दु ।
बैठक लिपा संचारकर्मीत लिसे खँल्हानादिसें कांग्रेस प्रवक्ता अर्जुननरसिंह केसी आन्दोलनया स्वरुप व ज्याझ्व छुं न्हि दुने हे घोषणा याइगु खँ धयादिल । वयेकलं माओवादी सर्वसत्तावादी चिन्तनया कारण जनदबावया आवश्यकता अप्वःगु जानकारी बियादिल । कांग्रेसं आन्दोलनय् ग्वहालि यायेत झिंन्ह्यगू दल नाप बुधवा निसें हे सहलह न्ह्याकीगु जूगु दु ।
