लेखा समितिया बैठक अनिश्चित
येँ (सन्ध्या टाइम्स)/प्रधानमन्त्री व अर्थ मन्त्रालयया सचिव उपस्थित मजुइवं व्यवस्थापिका संसदया सार्वजनिक लेखा समितिया मुँज्या अनिश्चितकालया नितिं स्थगित जूगु दु ।
थौं समितिं प्रधानमन्त्री माधव कुमार नेपाल व अर्थ सचिव रामेश्वर खनालयात नेपाल वायुसेवा निगमया न्हूगु जहाज खरिद प्रकरणय् म्वाःमदुगु कथं दबाव बिउगु व क्यासिनोपाखें करोडौं तकाया राजश्व उठे याये मफुगुया कारण न्यनेत सःतातःगु खः। प्रधानमन्त्री व अर्थसचिवं कन्हय् संसदय् पेश जुइगु बजेटया बारे तयारीइ व्यस्त जुइमाःगु कारण क्यनाः उपस्थित जुइ मफइगु पौ छ्वया हःगुलिं समितिया बैठक नं अनिश्चित जूगु खः ।
आः मेगु बैठक धाःसा एकीकृत माओवादीया विस्तारित बैठक लिपा जक जुइगु सम्भावना दुगु खँ धाःगु दु ।
