'राष्ट्रपतिपाखें बाधा अड्काउ फुकाउ संसदीय परम्परा विपरित'
व्यवस्थापिका संसदय् दुथ्याःगु चिधंगु न्हय्गू दलं राष्ट्रपतियात बाधा अड्काउ फुकाउ अधिकार बीगु स्वंगू दलया निर्णय संसदीय परम्परा अःखा जु्इगु धासें आपत्ति प्वंकूगु दु ।
न्हय्गू दलया बिहीवाः च्वंगु मुँज्या लिपा पिथंगु विज्ञप्तिइ राष्ट्रपतिपाखें बाधा अड्काउ फुकाउ धारा छ्यलाः संविधान संशोधन मार्फत पूर्ण बजेट हयेत्यंगु प्रति थःपिनिगु ध्यानकार्षण जूगु खँ न्ह्यथनातःगु दु ।
न्हय्गू दलं कामचलाउ सरकार नाप संविधान संशोधनया निंतिं राष्ट्रपतियात सिफारिस यायेमफइगु अधिकार मदुगु नं स्पष्ट याःगु दु । राष्ट्रपति पाखें बाधा अड्काउ फुकाउ अधिकारया प्रयोग संविधान व संसदीय परम्परा अःख जूगु धासें थुकीं लोकतन्त्रिक व्यवस्था व अन्तरिम संविधान हे गम्भीर खतारय् लाइगु नं धाःगु दु ।
मुँज्याय् नेकपा (माले) समाजवादी, नेकपा (एकीकृत), नेपाल सद्भावना पार्टी, जनमुक्ति पार्टी, संघीय लोकतान्त्रिक राष्ट्रिय पार्टी, नेपाः राष्ट्रिय पार्टी व जनता दलया नेतातय् ब्वति दुगु खः ।
