अर्थमन्त्री पाखें एमाले सभासदतय् बजेटया बारे जानकारी

व्यवस्थापिका संसदय् कन्हय् पेश यायेत्यंगु बजेटया बारे अर्थमन्त्री नापं एमालेया नेता डा. सुरेन्द्र पाण्डें पार्टीया सभासद्तय्त बजेटया बारे जानकारी बियादीगु दु ।

सिंहदरवार स्थित एमाले संसदीय दलया ज्याकूथी बिहीवाः च्वंगु मुँज्याय् अर्थमन्त्री पाण्डें बजेटया बारे ब्रिफिङ यानादीगु खः । एमाले सभासद्तय्सं धाःसा पार्टी दुने सहलह हे मयासें हथाय्सं बजेट हयेत्यंगु धासें आपत्ति प्वंकूगु खः ।

मुँज्याय् प्रधानमन्त्री माधवकुमार नेपालं बजेट पेश यायेगु ई म्हो जक जूगुलिं सहलह यायेमखंगु लिसः बियादीगु खः । अथेहे मुँज्यां शुक्रवाः व्यवस्थापिका संसदय् फुक्कं सभासद्तय्त उपस्थित जुइत ह्विप नं जारी याःगु दु ।